Iteefaq se hum mile the,
Jaane kab pehchan hui …
Kuch din thodi baatein ki,
Aur dosti ki shuruvat hui …
Naadan si aapki harkatein,
Aadat hamari bhi ban gayi …
Jaise badti rahi dosti apni,
Rishto ko bhi vo badal gayi …
Kam hamare alag alag the,
Phir bhi roz mulakat hoti …
Na jaane aap kab ruthe ki,
Din mein bhi tab raat hoti …
Jis din thoda has deti thi aap,
Shaam haase bhari ho jati thi …
Ghumne phirne ki aadat aapki,
Humme har kahin pahuchati thi …
Phir aaya alag hone ka mauka,
Vo pal jab bichchadne the hum …
Duriyan ab badne lagi hamari,
Kyu saath nahi rehne ko the hum …
Aate jate bas milte rehna aap,
Kabhi bhi bhul na jaana humhe …
Yaad ab hamesha rahegi aapki,
Aapne jo itna sataya hai humhe …
No comments:
Post a Comment